ham bhi hain kabil mushkil ko
ab to bas ye samjhana hai
majdhar sahi, har baar sahi
bas aage badhate jana hai
lahre sagar ka gehna hain
unka aana swabhavik hai
choti unchi neechi lehren
toofan aana bhi jayaz hai
jo tum na mano haar ye lehren
apna seesh jhukayegi
jo tumne mani haar ye lehren
tumko aaj dubayegi
lahron se ham kyon daren
hame bhoo khoj nai ab lana hai
majdhar sahi, har baar sahi
bas aage badhate jana hai
rasta seedha sab chal jayen
mushkil aai to ruk jayen
par veer wahi kehlate hain
jo aage badhate jate hain
aandhi aaye toofan aaye
sab ruk jayen to ruk jayen
path me jo aai chattane
unko bhi ab pighalana hai
jab sabne ghutane tek diye
tab hamko paon badhana hai
majdhar sahi, har baar sahi
bas aage badhate jana hai
jinko hai pyar udano se
wo kab darte gir jane se
jo gir kar ham yun ruk jate
jo thak kar ham yun jhuk jate
to kya panchi hamse jalate
to kya tare ham chu pate
har galati se seekha hamne
har baar naya vishwas jaga
jo chaha hai wo paya hai
ye geet hame fir gana hai
majdhar sahi, har baar sahi
bas aage badhate jana hai
No comments:
Post a Comment